Норвешката јавна телевизија NRK денеска за прв пат објави видео снимка на која се гледа како Андерс Брејвик го паркира камионот-бомба во чија експлозија загинаа осум личности во Осло на 22 јули 2011 година.

Снимени со камери за видео надзор, сцените покажуваат бел камион како се паркира во приземјето на зградата во која се наоѓаат канцелариите на премиерот и возач облечен во униформа како се оддалечува.

Видео снимката која ја коментира работник во обезбедвањето дежурен тој ден, се прикажува под разни агли на експлозијата на бомбата од речиси еден тон, во која загинаа осум личности, а се повредени повеќе од десетина.

Се гледа како Брејвик заминува со друго возило, сив фијат со кој потоа ќе се одвезе на островот Утоја каде ќе убие 69 млади.

Сцените од нападот веќе се емитувани за време на судењето, но прв пат ги гледа широката јавност.

Брејвик на 24 август е обвинет на максимална казна од 21 година затвор која може да се продолжи, се додека тој се смета за опасен.