На први октомври во кинеската престолнина нема да биде дозволено вадење на гулабите, да не сметаат на свечената прослава на 60 годишнината од комунистичкиот режим. Повеќе од 30.000 домаќинства во Пекинг, кои одгледуваат повеќе од 1 милион гулаби, добиле известување од надлежната служба дека на своите галеничиња им се забранува летање до 2 Октомври.

Доколку не го исполнат тоа ќе добијат парична казна или испорака на гулабите на ветеринарните служби. За време на прославата ќе маршираат најмалку 100.000 војници и голем огномет ќе го нагласи одбележувањето на 60- годишното постоење на Народна Република Кина.