Брачен пар и нивниот син (16) се удавиле откако брановите ги повлекле во морето во северниот дел на Калифорнија, додека се обидувале да го спасат своето куче, соопштиле денес америкаснките власти...

Дејана Џонс официјално изјавила дека семејството било на плажата "Big Lagoon" северно од местото Еурека и дека на кучето му фрлале стап за да си игра. Според нејзините зборови, животното било повлечено од големите бранови.

"Момчето отиде по кучето, а потоа и таткото тргна по детето. Тинејџерот успеа да излезе од водата но, бидејќи виде дека татко му го нема, тој и мајка му повторно се вратија во водата да го бараат. И двајцата беа повлечени од океанот", рекла Џонс.

Локалните медиуми велат дека ќерката повикала полиција. Џонс додала и дека спасувачите го пронашле телото на мајката, додека телото на таткото било исфрлено од водата. Телото на момчето сеуште не е пронајдено.

Кучето успеално да излезе од водата и да преживее.