Алара (14) ја криела својата депресија од семејството со години, за на крај да се самоубие со бесење во нивниот луксузен дом.

Алара Лосон изгледала како и секое друго четиринаесет годишно девојче: совршено среќна дури и само неколку часа пред да си го одземе животот.

Во серија од белешки што ги пронашле меѓу нејзините работи, таа имала напишано „чував се што чувствував затворено во себе цели три години“ и „морам да и ставам крај на оваа болка“.

Нејзините родители со скршено срце велат дека „немале поим“ дека Алара била толку несреќна пред да го откријат нејзиното тело.

Татко и Питер (62) и мајка и Марни (47) вечерале со својата ќерка Алара, пред да одат со синот Џош на некој настан во училиштето.

Алара им се јавила, кажувајќи и на мајка си дека ја сака. Родителите почувствувале дека нешто не е во ред, па побрзале назад кон дома, само за да го откријат телото на ќерка си обесено во нејзината спална соба.

По смртта на iPod-от на Алара се пронајдени депресивни „емо“ песни како Dark Secrets, I Just Want You Back и Time To Die.

Нејзиниот татко кажал: „Дури и оние кои ја познаваа Алара најдобро, како нејзината најдобра пријателка Сафи Донертас, во никој случај не очекуваа, не ни насетуваа дека таа ќе го стори тоа што го стори.“