Католички свештеник (80) му го одгризал увото на друг свештеник и го удрил во лицето. Тој е уапсен додека нападнатиот свештеник е опериран.
Расправијата избила поради паркинг место.
По кратката тепачка, Бирн наводно му рекол на Смит да крене нешто од земјата, а тоа „нешто“ било увото кое Смит потоа го замотал во крпа и отишол во локалната болница.
Отец Томас Хенри Бирн (80) се скарал со отец Томас Џозеф Камерон Смит (81) кој не сакал да му го отстапи паркинг местото.
Повредениот Смит е опериран, а полицијата за тоа време го уапсила Бирн поради нанесување на тешки телесни повреди. Судијата му одредил забрана за приближување до Смит, кој инаку живее во истиот стамбен комплекс.
