Во Египет властите разбиле ланец трговија со деца и уапсиле пет личности кои продале 300 бебиња по цена од 570 долари, соопштила денеска полицијата.

Меѓу уапсените се две болничарки и лекар кои работеле во болница во Каиро каде што бебињата се продавани речиси три години.

Полицијата трага по директорот на болницата, кој е во бегство.

Усвојувањето на деца е илегално во Египет, каде што кога станува збор за семејството се применува исламскиот закон. Некои парови се обидуваат да го решат тоа прашање така што прибегнуваат кон купување на деца.