Британски шестнаесетгодишник се маскирал во значително постар човек и така ограбувал златари.

Во две ограбувања во Британија, тинејџерот Мајлс Алура украл накит вреден 150 илјади фунти. За време на првото ограбување се маскирал како старец и тогаш зел 50.000 фунти, за во второто ограбување да носи и лажни локни и да земе 100.000 фунти. Во двата случаи користел лажен пиштол.

Тој вчера е осуден на 12,5 години затвор и тоа по пет години поради завера за ограбувањето и самото ограбување, а остатокот поради носење на лажно оружје. Заедно со него се осудени уште две момчиња кои му помагале во ограбувањата.

Алура е уапсен после вториот грабеж и брканицата со полицијата долга цели пет километри.