Деветогодишник од Украина ја потрошил животната заштеда на своите родители на слатки.

Неименувано момче старо девет години од Конотоп, Украина за време на месец дена украл 3.000 евра од своите мајка и татко, кои својата заштеда ја криеле во каучот.

Малиот делувал промислено, па платил еден возрасен познаник да му ги смени парите во украинска валута. Познаникот за тоа добил одреден хонорар од момчето.

Сите пари ги потрошил на слатки, кои ги делел со друштвото во училиштето и на игралиштето.

Случајот е откриен кога родителите сакале да ги заменат парите, и откриле дека каучот е празен.

„Родителите ја пријавија кражбата, но се укажуваше на момчето кое на крајот призна дека целата нивна заштеда ја потрошил на слатки“, рече Татјана Кушнерова од полицијата во Конотоп.