Пратеник на владеачката руска партија Единствена Русија, Франц Клинчевич, сака да ја купи и да ја уништи зградата во која во Австрија е роден германскиот нацистички водач Адолф Хитлер, соопшти портпаролката на пратеникот, Викторија Сукова.

„Клинчевич сака да ја купи таа зграда за да ја уништи и се надева дека ќе собере доволна количина на неопходни пари, која изнесува речиси два милиони евра“, рече Сукова.

Таа објасни дека станува збор за една мала зграда во градот Браунау, 60 километир од Салцбург, каде што Хитлер е роден на 20 април 1889 година и каде што поминал три години од својот живот.

Проектот на Клинчевич го поддржал и пратеникот на руските комунисти, Вадим Соловјев.

„Се што претставува сеќавање на фашизмот треба да исчезне од лицето на земјата“, рече Соловјев и додаде дека сака заедно со колегите од својата партија да учествува во купување на зградата.

Зградата во која Хитлер е роден служела како библиотека, училиште, банка и центар за хендикепирани личности.

Градоначалникот на Браунау, Јоханес Вајдбахер неодамна предложи во зградат да се направат станови, што предизвикало полемика во Австрија.