Папата Бенедикт XVI ќе се придужи во низата познати личности кои отворија свој профил на социјалната мрежа Twitter, а тоа ќе го стори најверојатно до крајот на годината, соопшти неговиот портпарол Федрико Ломбарди.

Бенедикт (85) минатата година ја испрати својата прва порака преку Твитер, но од профилот на Ватикан, додека новиот профил ќе биде лично негов.

Бенедикт XVI во главно пишува на рака и не користи компјутер, а твитовите на профилот на папата ќе ги пишува некој друг.

Ломбарди рече дека деталите за профилот на папата на Twitter ќе бидат објавени кога истиот ќе биде официјално пуштен во работа.