Во експлозија на граната пред ноќен клуб во Москва, ранети се четири луѓе, јавила денеска руската агенција RIA Новости.

Пијан маж на кого обезбедувањето не му дозволило да влезе во ноќниот клуб во северниот дел на Москва, ноќеска околу два часот фрлил граната пред клубот.

„Според прелиминарната истрага, четири личности се ранети во експлозијата“, соопшти московската полиција.

Три жртви се хоспитализирани со сериозни повреди, а на четврта личност и е укажана медицинска помош на лице место.

Напаѓачот исчезнал од местото на случувањето и московската полиција моментално трага по него и тој се соочува со затворска казна од пет години, поради илегално поседување на оружје и намерно оштетување на материјален имот.

Истражниот тим на полицијата работи на расветлувањето на околностите на тој инцидент.