Во несреќата која се случила во очи на концертот на групата Linkin Park во среда навечер на стадионот во Кејп Таун една жена загинала, а 19 луѓе се повредени кога врз нив се срушил огромен рекламен плакат.

Несреќата се случила поради силниот ветер кој го срушил огромниот рекламен плакат поставен пред стадионот Грин Поинт.

Меѓутоа, бендот според соопштението објавено денеска на нивниот сајт, за несреќата дознал дури по концертот.

„Најискрени сочувства до семејството на загинатата девојка. Таа вест многу не растажи и се надеваме дека повредените брзо ќе се опорават“, соопшти бендот.