Повеќе од илјада авионски летови се откажани на ареородромите на источниот брег на САД, поради доаѓањето на новата бура, која како што се очекува, ќе ги погоди Њујорк и Њу Џерси...

Бурните вертови можат да надминат брзина од 104 километри на час а со тоа ќе ја прекинат и работата за обнова на инфраструктурата, а би можело да предизвикат и нови прекини во напојувањето со електрична енергија.

Иако е послаба од претходната бура Сенди, која пред девет дена однесе околу 100 човечки животи и направи огромна материјална штета, новата бура би можела да предизвика штети бидејќи инфраструктурата сеуште не е доволно зајакнета од претходниот бран.

Стотина илјади луѓе и понатаму се без електрична енергија, а полицијата ги повикува граѓаните на внимание и на евакуација од загрозените подрачја поради новата бура, чиј предзнаци се дожд и силен ветер.