Во Москва утринава се убиени пет луѓе, кога еден адвокат поради невозвратената љубов во алкохолизирана состојба почнал да пука во една компанија во североисточниот дел од градот, соопштија истражувачите.

Полицијата соопштила дека во пукањето се погодени шест личности, но дека една личност преживеала. Осомничениот напаѓач Димитриј Виноградов (30) е уапсен.

Тој работел како адвокат во компанијата во која се случило пукањето и бил вљубен во некоја колешка, која го одбила неговото додворување.

Уапсениот им рекол на истражувачите дека пиел алкохол пет дена едно по друго, а потоа дошол на работа и почнал да пука. Меѓу жртвите е и девојката во која бил вљубен.

Виноградов истовремено пукал од два пиштоли. Напаѓачот бил совладан од припадниците на обезбедувањето на компанијата.