Девојка (15) родителите ја залиле со киселина, затоа што го „посрамотила семејството“ зборувајќи со момче.

Полицијата го уапсила брачниот пар кој наводно ја убил својата 15 годишна ќерка заливајќи ја со киселина затоа што разговарала со момче. Локалните власти известиле дека парот е фатен минатата недела во делот на Кашмир кој е под контрола на Пакистан.

Полицаецот Имтијаз Али кажал дека родителите признале дека ја убиле ќерката затоа што ја извалкала семејната чест. Друг полицаец Тахир Ајуб кажал дека таткото Мохамед Зафар и порано имал сомнежи за однесувањето на својата ќерка Анва Ше, а се разбеснил кога минатиот понеделник ја видел со момче пред нивниот дом во Кхои Рати.

„Зафар ја претепал и ја залил со киселина, со помош на сопругата. Била тешко испржена, но ја однеле во болницата дури следното утро, а умрела во среда“, рече Ајуб.

Смртта ја потврдил и докторот Мохамед Јахангир од државната болница Котил кажувајќи дека девојката во болницата е доведена во многу критична состојба со изгореници на речиси 70% од телото. Полицијата ја известила постарата сестра на девојката, барајќи да се спроведе истрага за убијството, што е и направено.