Полските геолози го откриле најголемиот метеорит некогаш пронајден во тој дел од Европа, а кој би можел да даде нови информации за внатрешната кора на Земјата.

„Само знаеме дека Земјиното јадро се состои од железо, но не можеме да го проучуваме. Овде имаме гостин од вселената со слична структура и него можеме лесно да го проучиме“, им кажа на новинарите професор Анџеј Мушински.

„Оваа откритие може да ги прошири нашите познавања за почетокот на вселената“, додал тој.

Метеоритот е тежок 300 килограми и има пречник од два метри, а пронајден е минатиот месец во западна Полска.

„За сега, овој е најголем од својот вид во овој дел од Европа“, додаде професор Војчех Станковски.

Геолозите од еден полски универзитет веруваат дека метеорот слетал на Земјата пред околу 5.000 години и дека во голем дел се состои од железо и трагови од никел.