Девојче старо 18 месеци со чудо преживеало еден ицидент во Шпанија.

Неименувана жена стара 27 години доживеала нервен слом во својот стан во шпанскиот град Леон. Ги отворила прозорците, и почнала да фрла работи надвор на улица.

Поминувачите во чудо гледале како низ прозорецот летаат работи, а потоа жената го извадила детето и се заканила дека ќе го фрли низ прозорецот.

Ќеркичката стара 18 месеци ја држала за рацете, додека детето висело над улицата. Трагедијата е избегната со неверојатна среќа - таткото на жената поминувал по улицата, и потрчал кога ја видол својата внука како виси низ прозорецот.

Мајката го пуштила бебето, а дедото „долетал“ и го фатил, пишуваат шпанските медиуми.

Девојчето итно е префрлено во болница, каде што е констатирано дека не е повредено и дека е здраво и живо. Мајката е уапсена и ставена е под лекарски надзор, за да се утврди што ја натерало на овој очајнички потег. Против неа ќе биде подигнато обвинение поради загрозување на безбедноста на детето.