Посетата на мајка и нејзиниот 2-годишен син во зоолошката градина во Питсбург завршила трагично, откако детето се лизнало од заштитната ограда во просторот со африкански шарени кучиња...

Полицијата сеуште не утврдила дали момчето починало од падот или од африканските кучиња кои веднаш го нападнале. Момчето паднало од висина од 3,5 метра, известила локалната полиција.

"Тоа беше страшно", рекол полицискиот потполковник Кевин Краус. Штом момчето паднало во кафезот со африкански кучиња, посетителите веднаш ги повикале чуварите, кои успеале да одалечат неколку од кучињата, поточно седум од нив. Но, едно било изразено агресивно па полицијата морала да го убие.

По инцидентот зоолошката градина била затворена, а останува непознато кога повторно ќе се отворат вратите за посетителите. Инцидентот се случил вчера во 11:45 по локално време.

Името на мајката и момчето не се објавени.