Полицајски хеликоптер се срушил недалеку од центарот на Атланта, САД, при што загинале двајцата полицајци кои управувале со истиот.

На земјата никој не е повреден, но поради инцидентот во сабота навечер без струја останале околу 1.300 домаќинства во северозападниот дел на Атланта.

Полицискиот хеликоптер летал ниско, помагајќи во потрагата по исчезнатото деветгодишно момче, кое подоцна е пронајдено, пренесе CNN, кој наведува дека истрагата ја отвориле сојузните агенции за безбедност на воздушен сообраќај.