Полјакињата индетификувана само како Беата З. (41) е уапсена под сомнеж дека усмртила најмалку пет од своите новородени бебиња, соопшрено е од канцеларијата на јавниот обвинител.

Обвинителот од градот Ломза на североисток од Полска, Марија Кдиба, кажала дека осомничената е испрашана и дека за време на истрагата најмалку три месеци ќе биде задржана во притвор.

Според нејзините зборови, жената родила осум бебиња во периодот меѓу 1998 и 2012 година, но само две останале живи.

Телата на четирите деца се пронајдени на нејзината фарма во селото Хиполитово. Истражувачите го бараат телото на петтото дете и се обидуваат да ја утврдат судбината на шестото бебе.

Аутопсијата ќе биде извршена за да биде потврдено дали Беата З. е мајка на убиените деца, а таа ќе биде пратена на психијатриска анализа.

Работниците на социјалната служба ја известиле полицијата уште летово откако не го пронашле новороденчето, а било познато дека Беата З. била бремена.

Истражувачите не сакале да спекулираат за можните мотиви во овој ужасен случај.