Чувар на трезори на една српска банка во саботата сам се пријавил во полициска станица и признал дека во изминативе неколку месеци, додека работел на полнењето на банкоматите, украл 11.290.800 динари.
Поранешниот чувар влегол во зградата на белградската полиција, побарал инспектори за економски криминал и ја признал кражбата. Тој од јуни до 26 октомври од секој банкомат кој го полнел земал одредена сума на пари која за кратко време се качила на повеќе од 11 милиони динари.
За време на полнењето на банкоматите дел од парите задржувал за себе, но вели дека тие пари веќе ги нема, затоа што, наводно, тие пари им ги поделил на сиромашните.
Полицијата не верува во неговите наводи и тврдат дека моментално истражуваат каде ги сокрил парите. Не се знае точно зошто мажот се пријавил сам во полиција, но се нагаѓа дека интерната контрола ја открила кражбата и му предложила сам да се предаде.
