Најмалку 25 жени и деца загинале во пожар на свадба во Саудиска Арабија, кој бил предизвикан од огнометот.

Ракетите за огномет ја погодиле светлечката декорација, предизвикувајќи краток спој поради кој се запалила натстрешницата и делот резервиран за жени и мали деца.

Трагедијата се случила синоќа, во саудиската источна провинција. Во пожарот животот го изгубиле најмалку 25 личности, од кои сите биле жени и деца.

Гувернерот на источната провинција, принцот Мухамед бин Фахд Абдул Азиз, наредил истрага. Во сличен инцидент во 1999 година загинале 76 луѓе.

Според правилата на конзервативната Саудиска Арабија, жените и малите деца на вакви собири мораат да бидат одделени од мажите.