Еден бугарски блогер успеал да ги купи приватните податоци на над милион Facebook корисници за само 5 долари.

Иако вие веројатно нема своите приватни податоци да им ги откриете на непознати личности на социјалните мрежи, тоа не значи дека истата работа со вашите податоци нема да ја направи некој друг. Иако можеби сметате дека тие податоци на некој му се многу вредни, вистината би можела да ве разочара. Личните податоци, недостапни за пошироката јавност, вредат многу, многу малку.

„Штотуку купив податоци за повеќе од милион Facebook корисници. OMG!“, напишал бугарскиот блогер и активист за дигитални права, Богомил Шопов. Тој тврди дека поседува имиња, ID и е-мејл адреси кои не и биле достапни на јавноста, и дека Facebook барал да ја избрише објавата за купувањето на податоците, и да им објасни во детали како течело купувањето на истите.

Шопов вели дека податоците ги купил на страница на која се нудат многу необични работи од личноста која се претставила како Mertem. Во Facebook велат дека спроведуваат истрага за кражбата на информациите, а од Шопов барале да им ги достави сите купени податоци, а својата копија да ја избрише.