Британец изнервиран од постојаните повици од фирмите за телефонски маркетинг одлучил да ги тужи и добил.

Фирмата која на Ричард Херман преку телефонски повици му нудела да го реши проблемот со неговото работно осигурување, не се надевала дека на крајот таа ќе ја плати сметката.

Изнервиран од многубројните повици од оваа фирма, Херман одлучил секоја минута која ја потрошил на разговор со нивните вработени да ја наплати 10 фунти. И тоа уредно им го фактурирал.

За да ги осигури овие наводи, тој ги снимил сите разговори кои ги водел со вработените во PPI, а кога работата дошла до суд, пресудата била во негова корист.

Компанијата се согласила да плати 195 фунти за 19,5 минути разговор. Во корист на Херман оди и фактот дека Британија има и посебна скратена процедура за побарувања помали од 5.000 фунти.

Оваа, за сега единствена пресуда, може да им го отвори патот на многумина на кои оваа пракса им оди на нерви.