Огласот во кој Исус и Марија по бурната ноќ одмараат меѓу згужвани чаршафи предизвика бура од реакции.

Кога е во прашање кафуле кое се вика Chapel Bar & Bistro, сосема е реално да се очекува дека промотивната кампања ќе вклучува и религиозни мотиви.

Но, тоа што некои би можеле да го наречат „паметна асоцијација“, други многу лесно би можеле да го окарактеризираат како богохулие. Имено, овој бар е сместен во предградието Ауцкленд во Нов Зеланд, а за ја прослави својата седма година работа, објавил оглас кој ги прикажува „Исус“ и „Дева Марија“ во прилично компромитирачки пози.

„Исус“ така лежи на креветот меѓу згужвани чаршафи, со раширени раце и прекрстени нозе, јасно потсетувајќи на сликата на распетието, а покрај него лежи склопчена „Марија“, со рацете склопени во молитва. Околу нив има расфрлена облека, а од под креветот ѕирка кутија со половина изедена пица.

Што мислите вие? Дали постерот е иновативен? Или пак е големо богохулие?