Германските лекари извадиле тумор тежок 28 килограми од телото на пациентка која прво ја прогласиле за дебела, дознава се во петок од универзитетската клиника во Дресден која ја извела операцијата.

Зафатот со кој германските лекари извадиле тумор тежок 28 килограми направен е во почетокот на октомври, а траел осум часа и поминал уредно. Пациентката се чувствува доброа и оди со помош на патерици.

Таканаречениот borderline тумор со големина од 60х50 сантиметри се наоѓал во јајникот на пациентката која неверојатно брзо се дебелеела. Нејзиниот лекар наглото здебелување му го препишал на дијабетисот и недоволното движење и и одредил диета.

Кога веќе поради големината на туморот не можела да стои, нејзината ќерка побарала друго лекарско мислење и рендгенската снимка овозможила донесување на правилната дијагноза.

Туморот бил толку голем што била потребна количка за негов транспорт од операционата сала. Пациентката за време на операцијата изгубила 40 килограми и кажала дека е „исклучително среќна“.

„Немам зборови со кои би можела да им се заблагодарам на лекарите, сега сум друга личност“, кажала таа.