На веслачот Алекс Партиџ и репрезентативката на Британија во хокеј на трева им се украдени медалите.

Двајца британски олимпијци соопштиле преку социјалната мрежа Twitter дека нивните бронзени медали од Олимпијските игри во Лондон се украдени во среда.

Лондонската полиција соопшти дека ја истражува кражбата на олимпијските медали и дресот на Алекс Патриџ, а дека кражбата на други медали уште не е пријавена.

Веслачот Алекс Патриџ и Хана Меклауд, која игра хокеј на трева, на интернет ставиле слика од човекот за кого се сомневаат дека ги извршил кражбите.

Кражбата се случила во ноќниот клуб во кој отишле по приемот на кралицата Елизабета II во Бакингемската палата, одржан во чест на Британските олимпијци.