Австриецот Јозеф Фрицел, кој ќерка си 24 години ја држел затворена во подрумот и со која имал седум деца, се развел од сопругата, затоа што не му одговарала на писмата и никогаш не го посетила во затворот.

„Разводот е легално регистиран пред неколку седмици. Розмари Фрицел така го изгуби правото на дел од пензијата на својот бивш сопруг“, се наведува во весникот.

По 55 години брак, Фрицел одлучил да се разведе и тоа затоа што таа ниту еднаш не го посетила во затворот.

Фрицел од затворот на сопругата Розмари и праќал писма кои таа ги игнорирала и никогаш не му одговорила на нив, што било повод да се започне процес за развод.

Тој е осуден откако е откриено дека својата ќерка ја силувал и ја држел во подрумот 24 години.

Со ќерка си имал седум деца, од кои едно умрело веднаш по раѓањето.

Три деца Фрицел ги одгледувал со сопругата, која ја уверил дека нивната ќерка ги оставила на куќниот праг, а три чувал затворени заедно со ќерка си во подрумот.

Јозеф Фрицел на 19 март 2009 година е осуден на доживотна затворска казна, додека неговата сопруга не е обвинета, затоа што не знаела ништо за злосторствата.