Пет учители во Јапонија, кои се искрале од училишниот двор за да испушат по една цигара меѓу часовите, казнети се со високи парични казни.

Сите ќе мораат да платат казна од 500.000 јени, што е 6.300 долари, затоа што се фатени како пушат надвор од училишниот двор за време на работен ден.

Учителите кои работат во западниот град Осаки, казнети се по закон од 2008 година на тогашниот гувернер на префектурата, Торо Хашимото, според кој е воведена целосна забрана на пушењето во сите училишта со кои управува локалната власт.

За разлика од други земји, во Јапонија е дозволено пушење во баровите и рестораните.

Меѓутоа, со закон е забранета употреба на тутун на улиците, железничките и автобуските станици.

И додека на кутиите за цигари се истакнати предупредувања дека тие се ризични по здравјето и се спроведуваат кампањи против пушењето, тие не се толку упадливи како во други развиени земји и процентото на Јапонци кои пушат во споредба со нив е многу висок.