Американскиот суд заклучил дека танцот во скут на стриптизетите не промовира култура како балетот и другите уметнички форми, поради што не може да биде ослободен од данок.

За таквата одлука гласале четири од седумте членови на врховниот суд во државата Њујорк.

Судиите кои останале во помалиот дел оцениле дека законот не прави разлика меѓу „интелектуалниот и неинтелектуалниот танц“, поради што случајот подига „значајни уставни проблеми“.

Случајот го започнал стриптиз клубот Night Moves, со тврдење дека цената за влегување и приватен танц е исклучена од данок.

Судот навел дека данокот се однесува и на забавните паркови и спортски случувања и дека клубот не успеал да докаже дека заслужува ослободување од данок какво што имаат „драмските или музичките изведувања“, кои промовираат култура.