Еден 40-годишен маж го шокираше своето семејство кога се појавил на бдеењето на сопствениот погреб во куќата на својата мајка во градот Алагонијаш на североистокот на Бразил...

Инспекторот Роберто Лима преку телефон за AP кажал дека Жозе Маркос Аружо го идентификувал телото во мртовечницата како тело на својот брат Жилберт. Лима рекол дека Маркос го однел телото на брат му на бдеење во куќата на неговите родители.

"Недоразбирањето настана кога се појави веста дека е убиен перач на автомобили", рекла сопругата на Маркос, Ана Паула.

"Полицијата го побара мојот сопруг и му кажаа дека брат му е убиен и дека неговото тело се наоѓа во мртовечница".

Инспекторот Лима оценил дека конфузијата е сосем разбирлива. "Двајцата мажи беа многу слични еден на друг а и двајцата работеа во перална за автомобили".

Неколку часа пред погребот во понеделник "еден пријател на Жилберт го видел како шета по улица и му кажал дека неоговото семејство го оплакува".

Така тој отишол во куќата на неговите родители за да докаже дека е жив. Кога Жилберт се појавил на сопственото бдеење "некои луѓе паднаа во несвест, а други се исплашија и побегнаа. Тоа беше голем шок", рекла пријателка на семејството Марија Менезес.

"Пресреќна сум, а која мајка не би била кога ќе и кажат дека нејзиниот син е мртов, а после тоа го гледа повторно жив", рекла мајката на Жилберт, Марина Сантана.