Слушнете како седумгодишната Алма Дојчер свира виолина и клавир. Веќе компонирала и опера!

Алма Дојчер од Сари е неверојатен музички талент. Девојчето на само две годишна возраст знаело да препознава ноти, настапува наголемо и компонира сериозни дела, а британскиот печат ја споредува со најпознатото музичко чудо од дете, Волфганг Амадеус Моцарт. Славниот Моцарт компонирал од пет годишна возраст, а неговиот татко ги запишувал делата на својот миленик.

Алма живее во Доркинг со мама и со тато, кои рано го воочиле нејзиниот талент и и поклониле виолина за третиот роденден. Почнала со Хендл, продолжила со Шуберт, Хајден и Моцарт.

„Сакам еден ден да компонирам како Моцарт, да свирам виолина како Џисак Перлман и клавир како Даниел Баренбојм“, кажала Алма.

Таа неодамна ја компонирала операта „Чистачот на соновите“, која влезе во полуфинале во натпреварувањето организирано од Националната опера на Англија за млади таленти.

YouTube каналот на Алма веќе има повеќе од 340.000 посети. Слушнете го чудото од дете на дело.