Бројот на гладни расте и оваа година тој ќе биде најголем досега, пишува во извештајот на Обединетите Нации. Бројот на гладни луѓе по прв пат оваа година ќе стигне приближно до 1 милијарда, истакнаа од World Food програмата, додавајќи дека имаат сериозен дефицит во буџетот.
Нивниот буџет за оваа година требаше да изнесува 6,7 милијарди долари, но сега тие добиле само 2,6 милијарди. "Милиони луѓе се погодени од финансиската криза, нивната можност за купување на храна е ограничена поради тврдоглаво високите цени. Пред се, непредвидливите временски услови, исто така, доведоа до глад", се вели во соопштението.
