Среќен крај на потресната приказна од Франција - териерот Итан го преживеа труењето и закопувањето.

Поминувач забележал дека свежо раскопаната земја покрај патот се придвижува и пришол за да открие во што е работата. Почнал да копа, и пронашол териер кој едвај дишел. Веднаш ја повикал итната служба, стигнал ветеринар и утврдено е дека кучето е отруено и живо закопано.

Ветеринарот со термофори го стоплил Итан, му дал лекови и друга терапија, и малото куче ги изненадил сите во амбулантата кога веднаш следниот ден скокнало на нозе и почнал весело да лае.

„Вакво нешто се гледа само на филм. Итан навистина е чудо од куче“, рекол ветеринарот Филип Мишон.

Итан го преживеал труењето и закопувањато, и сега е под старателство на локалниот центар за грижа за животни. Полицијата го идентификувала сопственикот, кој тврди дека кучето го поклонил, но истрагата ќе утврди кој го отрул и се обидел да го закопа.

„Итан навистина имаше среќа и се надеваме дека наскоро ќе му најдеме нов дом, со сопственици кои ќе го сакаат и чуваат како што заслужува“, рекол Мишон.