Кеатон Месон целата во паника не знаела што да направи откако се породила во автомобилот и сфатила дека нејзиното бебе не дише бидејќи било замотано во папочната врвца...

Имено девојката требало да роди за месец дена, но болките почнале порано. Таа и нејзиниот свршеник се обиделе да стасаат до болница, но на крај морале да застанат на еден паркинг.

Нејзиниот вереник се обидел да ја смири, но никој од собраните не знаел што да направи. Тогаш и пришол еден непознат маж, се претставил како Гери Вилсон и смирено се обидел да ја реши ситуацијата. Некој повикал хитна помош, а Вилсон го земал телефонот и ги следел упатствата на лекарот. Бебето одеднаш почнало да дише.

"Постојано ме смируваше и ми велеше дека се ќе биде во ред и дека моето бебе сеуште дише", рекла мајката.

Среќната мајка и нејзиниот вереник сакале да му се забалагодарат на Гери, а потоа дознале дека тој е бездомник кој по херојскиот чекор едноставно исчезнал.