Полицијата во Австрија денеска соопштила, по четиримесечна истрага за пожарот кој уништи еден супермаркет во западниот дел од земјата, дека за овој инцидент е одговорно едно деветгодишно момче.

Полицијата не кажала повеќе детали за овој случај, но во медиумите се јавиле наводи дека момчето ролните тоалетна хартија на рафтовите од продавницата ги запалило „од досада“.

Во пожарот кој се случи во јуни, во чие гасење учествуваа околу 100 пожарникари, направена е штета од неколку милиони евра.

Во овој инцидент никој не е повреден, а полицијата во текот на истрагата утврдила дека пожарот го започнало момчето кое учи во училиштето недалеку од таму.