Ѕвездата на F1 знае што ќе прави откако ќе го напушти „најбрзиот циркус“ - воланот ќе го замени со узди и седло!

Не, не е шега!

Седмократниот светски првак во Formula 1 кој најави дека кон крајот на оваа сезона ќе ја заврши кариерата, откри за италијанско списание дека идејата за новата кариера му ја предложила сопругата Корина, инаку страствен учесник во коњски трки, и дека наскоро би можел да стане јавач.

„Планирам да учествувам во каубојски трки. Сопругата веќе ми најде коњ за тие натпреварувања. Ќе дадам се од себе“, кажа 43 годишниот Шумахер.

Возачот на Мерцедес, инаку го сака каубојскиот стил на облекување и поседува ранч во Швајцарија.

Шумахер нагласи дека нема намера повторно да се враќа во „најбрзиот циркус“.

„Formula 1 пружа максимално задоволство. Било какво друго натпреварување со автомобили не би можело да ме исполни како што тоа го прави F1, па затоа дефинитивно ставам точка на кариерата“, категорично рече Шумахер.