Европските регулаторни тела тврдат дека Google, и по неколку предупредувања, не направил доволно за да ја заштити приватноста на корисниците и податоците.

Новите прописи на американската веб компанија Google, се врзани за доверливост и тајност на информациите на корисникот, кои се објавени на први март, а неодамна се дополнети со нови прописи, не се во склад со важечкото европско законодавство во областа на заштита на личните податоци.

Овие прописи на компанијата Google мораат да бидат изменети, објавиле во обединет документ 27 европски тела за заштита на приватноста.

Тие тела бараат од компанијата Google да достави појасни и поцелосни информации за новите прописи, кои се воведени на први март, како и сите детали до сега и за собраните кориснички податоци, на било кој начин.

Европските тела за заштита на приватноста оцениле дека Google мора да преземе конкретни и јавни мерки за брзото ускладување со законодавството на ЕУ. Во спротивно, таа компанија би можела да биде погодена со стриктни санцкии, поради што би страдале корисниците на истата.

Таквите санкции веројатно би биле шокантен потег за поголемиот број корисници на интернет во Европа, но на адекватен начин би ги заштитиле од можна злоупотреба на податоците, кои за нив ги собрала компанијата Google.

Инаку, ова не е прв пат Европа да му се „заканува“ на Google. Таа компанија во почетокот на годината е обвинета за злоупотреба на доминантна положба на пазарот во Европа, а процесот се уште трае.