Полицијата во Денвер верува дека утринава еден бар е запален за ограбувачите да го сокријат убиството на пет луѓе, чии тела се пронајдени во локалот.

Пожарот во „Барот и скарата на Феро“ е пријавен околу два наутро по локално време, рекол шефот на полицијата во тој град, Роберт Вајт.

Пожарникарите кои дошле на местото на пожарот пронашле тела на четири жени и еден маж во барот, а полицијата мисли дека тие не загинале во пожарот.

„Локалот очигледно е запален за да се сокрие повеќекратно убиство“, кажал еден од инспекторите кои го истражувале местото на злосторството.

Барот се наоѓа во помалку прометен град на една од најпрометните улици пет километри јужно од центарот на Денвер.

Се претпоставува дека во барот, покрај убијците, биле само жртвите во моментот на избувнување на пожарот.

Жртвите уште не се идентифицирани, а аутопсијата ќе биде извршена во текот на денот.