Момче (10) од Хјустон пукало неколку куршуми во сестра си (15), а потоа се убило.

Неколку куршуми од пиштолот испукал Коби Такер (10) од Хјустон во својата сестра Ешли Такер (15), а потоа се убил.

Како што пренесуваат американските медиуми, децата итно се префрлени во болница.

Момчето набргу починало, а неговата сестра Ешли Такер по операцијата е во стабилна состојба.

Мотивот за оваа трагедија засега не е познат.

Полицијата соопштила дека момчето едноставно влегло во собата на сестра си и испукало во неа неколку куршуми.

„Немаме причина да веруваме дека ова е последица на родителско занемарување на децата. Пиштолот се наоѓал на сигурно место, но момчето сепак некако успеало да стигне до него“, кажале од полицијата кои работат на разрешување на случајот.