Американската амбасада во Стокхолм денеска е евакуирана поради сомнително писмо доставено до тоа дипломатско претставништво, соопштила полицијата.

„Ја евакуиравме амбасадата поради истрага за можно загрозување на безбедноста“, рече портпаролот на амбасадата Џеф Андерсон.

На сајтот на полицијата пишува дека сомнително писмо „со непозната соджина стигнало во амбасадата“. Една шведска агенција наведува дека во писмото е пронајден прав од непознато потекло.

„Работиме заедно со шведските власти“, рече портпаролот Андерсон.