Италијанскиот бизнисмен Масимо Балчани предизвикал бурни реакции со предлогот еден мал аеродром на северот од земјата да биде наречен по поранешниот фашистички водач Бенито Мусолини.

Според пишувањето на миланската „Република“, идејата на Балччани е аеродромот во Форли, 75 километри источно од Болоња, да се преименува за да стане „повоочлив“ и со тоа да го зголеми својот сообраќај, што би му помогнало да исплива од долгови.

„Не кажувам дека неговата политика не би требало да се анализира и испита, но не треба да се заборави дека аеродоромот го основал Мусолини. Користењето на името на Мусолини ќе го направи воочлив“, кажа Балчани, кој тврди дека не е симпатизер на фашизмот.

Реакциите на неговиот предлог не изостанаа.

„Тоа е толку смешно што коментар не е ни потребен“, кажа градоначалникот на Форли, додека здружението на италијански партизани потсетува дека во 1944 година на тој аеродром сојузниците на Мусолини, германски нацисти, стрелале 42 цивили.

Според италијанскиот закон, истражувањето на поддршката на фашистичката идеологија претставува кривично дело.