Масакарот на носорози продолжува во Јужна Африка, каде ловокрадците од почетокот на годината убиле 455 животни, соопштило денеска јужноафричкото министерство за животна средина.

Во соопштението се наедува дека повеќе од половина од тие носорози се убени само во националниот парк Кругер, на северозапад од земјата.

Во Јужна Африка живеат околу 20.000 од овие животни, што претставува 70 до 80 проценти од светската популација на носорози.

Министерството истакнува дека ловокрадците се се поактивни и покрај засилените мерки на безбедност и интервенција на војската.

Како што преносуваат странските агенции, порастот на бројот на убиени носорози се објаснува со вртоглавиот скок на цената на роговите на овие животни во Азија, посебно во Виетнам, каде што се користат во традиционалната медицина.

Рогот на носорогот речиси исклучиво е составен од кератин, материја која се наоѓа во човечките нокти.

Прогресијата е застрашувачка: според официјалните статистики од 2011 година убиени се 448 носорози, година дена порано 333, а во 2008 и 2007 само 83, односно 13 носорози.