Девојче од 15 години, добила 60 удари со камшик, а на таа казна ја осудиле исламистичките екстремисти во Мали, затоа што ја виделе како на улицата разговара со маж.

Припадниците на исламистичката група Ансан Дин, поврзани со Ал Каида, кои моментално владеат со градот Тимбакту на север од Мали, виделе девојче како стои покрај маж на улицата.

„Исламистите велат дека исламистичката полиција пет пати го предупредила девојчето, но дека таа продолжила да му се обраќа на мажот на улицата. По сослушувањето, казнета е со 60 удари со камшик. Јавното камшикување не го следеле многу луѓе“, рече жител на Тимбакту.

Девојчето е камшикувано јавно, пред штабот на исламската полиција во центарот на градот.