Станар предизвикал пожар кога се обидел да го запали крзното од верверичка, кое планирал да го изеде.

Пожарот поради кој повеќе десетина луѓе морале да го напуштат стамбениот комплекс во местото Холанд во државата Мичиген, веројатно го предизвикал еден од станарите кои се обидел да го запали крзното од верверичката кое планирал да го изеде.

Шефот на пожарникарите Џим Кошел кажал дека огнот од третиот спрат го зафатил покривот и дека осум станови се уништени, додека останатите се само оштетени.

Црвен крст овозможил привремено сместување и облека за станарите на зградата. Во зградата 29 од 32 станови биле населени, но нема повредени, јавуваат локалните медиуми.