Германка била шокирана кога сфатила дека нејзиниот галеник го украл нејзиниот накит за да плати за одење во јавна куќа.

Четиринаесет годишник од Карлсруе смислил необична авантура за себе и пријателите. Го украл накитот на мајка си вреден околу 2.500 евра, го продал за 300 евра и - правец јавна куќа.

Случајот на полицијата го пријавила мајката кога сфатила дека и недостигаат поголем број парчиња накит, а тинејџерот признал дека го украл за тој и другарот да одат во јавна куќа. Мајката го пријавила за да го научи на лекција, но и за да се обиде од купувачот да ги поврати нејзините скапоцености.

„Момчето ја признава кражбата и вели дека тој и другарот отишле во јавна куќа од тие пари. Меѓутоа, во јавната куќа велат дека не ги пуштиле да влезат, па не е јасно што се случило со парите“, рекол претставникот на локалната полиција, Ралф Минет.

Проституцијата во Германија не е противзаконска, но клиентите мораат да бидат полнолетни. Полицијата и понатаму работи на случајот.