Жените ширум Балканот можат да издишат со олеснување. Актерот Кенан Имирзаилоглу, попознат како Езел од истоимената серија, тврди дека не е геј и дека ќе му се одмазди на оној што го измислил тоа.

Кенан во ексклузивна изјава за списанието „Курир“ ги демантира наводите на медиумите и тврди дека аферата му ја наместиле љубоморни колеги.

„Лага е дека сум признал дека сум геј. Не сум хомосексуалец и немам дечко. Безобразието на луѓето кои ми ја наместија оваа приказна отиде толку далеку што измислија дека сум го прозвал и колегата Бурак Озџивит. Човекот никогаш го немам споменето во тој контекст и можеби ќе бидам малку прост, но не ме интересира кој со кого се ***. Бесен сум, и ако до мене дојдат информациите за нарачката на такви блувотини, а верувам дека ќе дојде, нема да штедам средства ниту да размислувам многу за последиците на својата одмазда“, рече Езел за „Курир“.

Актерот најави тужба против медиумите кои го објавиле неговото наводно признание дека е геј.