Австрискиот екстремен спортист Феликс Баумгартнер ќе се обиде да стигне до звучната бариера при слободен пад денес, 9-ти октомври, откако првично предвидениот скок за вчера беше откажан поради лошите временски услови...

Тоа ќе се случи за прв пат со скок од рекордна висина од 36 576 метри над Њу Мексико.

Оваа порака стави крај на периодот на несигурност во врска со датумот на скокот, откако капсулата под притисок, носена од балон со хелиум, беше оштетена во јули за време на тренингот.

"Сите системи на капсулата беа тестирани успешно", посочи Арт Томпсон, технички директор на проектот со име "Стратос".

Достигнувајќи ја брзината на звукот, што е 1 227,6 км/ч, 43-годишниот Феликс Баумгартнер, кој ќе биде облечен во костум под притисок, ќе се движи со брзината на куршум.

43-годишниот смел човек тренирал пренапорни пет години. Тој ќе лета пет минути слободно пред падобранот да се отвори. Најголемата опасност е гравитацијата, која може да го извади надвор од контрола и да загуби свест.

Рекордот за скок со слободен пад се држи од 1960 година од страна на поранешниот полковник на американската авијација Џо Китиндџер кој скокаше исто од балон со хелиум од височина 31 333 метри.

За да се подготви за овој подвиг, австрискиот падобранец веќе има направено два скокови над Њу Мексико - првиот во март од 21 600 метри височина, а вториот во август од 29 456 метри, како тогаш достигна максимална брзина од 864 км/ч, пред да го отвори падобранот.