Родителите на децата од едно шведско училиште се шокирани со предлогот училишните слики да се ретушираат.

Дотерувањето во Photoshop не е новитет во модните списанија и рекламните кампањи, но би помислиле дека детските слики при тргнувањето во било кое одделение сепак не се средуваат како насловна страница за Vogue.

Моника Виал рекла за шведскиот печат дека родителите биле запрепастени кога децата се сликале за училишниот албум, а фотографското студио им понудило и ретуширање како услуга со доплата.

Студиото од градот Остерунд им понудило на родителите „средување“ на детските слики, но тие тоа го одбиле сметајќи дека станува збор за беспричинско претерување.

„Во прашање се деца од училишна возраст, на кои уште сега им се наметнува мислењето дека физичкиот изглед е најважен“, рече огорчена мајка која има две деца во тоа училиште.

Ана Вилхелмсон од фотографското студио рече дека не гледа причина за оваа „лавина“ од критики.

„Им понудивме на родителите да ги ретушираме несовршеностите на детските лица, како што се дамки, осип или грозница“, рече таа.

Родителите на децата се согласиле дека средувањето на сликите на малите ќе им прати погрешна слика за тоа дека изгледот е најважен.