Судот во Ватикан денеска го прогласи за виновен поранешниот батлер на папата Бенедикт XVI, Паол Габриеле и го осудил на година и пол дена затвор поради оддавање доверливи папски документи.

Пред изрекување на пресудата, обвинителството побарало од судот да го осуди Габриеле на тригодишна робија, додека одбраната побарала судот да ги ублажи обвиненијата против него и наместо за „тешка кражба“ да го обвини за „противправно присвојување“ документи и да го ослободи.

Во својата последна изјава, неколку минути пред судот да се повлече за да донесе одлука, Габриеле изјавил пред судиите дека така постапил исклучиво од длабока, „инстикнтивна“ љубов кон Римокатоличката служба и папата на кој му служел.